İLK HÜQUQ ŞİRKƏTİ

BM Morrison Partners (BM) müstəqil Azərbaycan Respublikasında təşəkkül tapan ilk özəl hüquq şirkətidir. Bugün, biz Azərbaycanda hüquqi bilik, bacarıq və ixtisaslaşmış təcrübənin ən yaxşı nümunələrini özündə birləşdiririk. İyirmi beş illik mövcudluğu dönəmində BM Azərbaycanın ənənəvi bazar liderlərindən birinə çevrilməyə müvəffəq olmuşdur.

Öz mövcudluğu müddətində BM və onun hüquqşünasları hüququn demək olar ki, bütün sahələrində böyük təcrübə qazanmışlar. Biz yerli və xarici müştəriləri Azərbaycanda hüququn aktual olan bütün sahələrində, kommersiya və qeyri-kommersiya sferalarında təmsil edirik.

Bizim hüquqşünaslarımız xarici müştərilərə Azərbaycanda ilk özəlləşdirmə və təbii resursların konsessiyası layihələri ilə bağlı məsləhət verən, xarici bazarlara daxil olan ilk Azərbaycan investorlarına məsləhətlər verən və Kioto Protokolu ilə bağlı layihədə, Azərbaycan şirkətləri tərəfindən ilk Avrobond buraxılması və ilk milli telekommunikasiya peyki layihələri kimi digər “pilot” əqdlərdə iştirak edən nadir hüquqşünaslar sırasındadır.

BM Business Time jurnalı tərəfindən təsis edilmiş Azeri Business Award 2013 mükafatının “İlin Hüquq Şirkəti” nominasiyasında qalibi olmuşdur.